NIJGADH

बीरगंज १५ पौष

पर्सा प्रहरीले बीरगंजको छपकैया नजिकबाट प्रतिबन्धित लागु औषध १ सय ९० ग्राम खैरो हेरोइन सहित एक भारतीय नागरिकलाई पक्राउ गरेको छ ।
पक्राउ पर्नेमा भारतको मोतिहारी रामगढवा थाना चुडिहारपट्टी गाउ निवासी राजेश पासवान रहेका छन् । रक्सौलतिर बाट टेम्पोमा चढी आएका पासवानलाई प्रहरीले साझ चेकजाचको क्रममा उनको साथबाट सो परिमाणको खैरो हेरोईन बरामद भएको प्रहरीले जनाएको छ ।
बजार मुल्य अनुसार करिव तीन लाख रुपैया पर्ने खैरो हेरोईन रक्सौलका रविन्द्र भन्ने ब्यक्तिले बीरगंजको नया बसपार्क पुर्‍याई दिए आफुलाई पाच सय रुपैया दिने शर्तमा बीरगंज लिएर आउदै गर्दा प्रहरीले बाटोमै पक्राउ गरेको पासवानले बताए । तीन वटा पाकेटमा राखिएको सो हेरोईन लिएर नया बसपार्कमा पुगेपछि फोन गर्ने र मानिस आएर लिएर जाने शर्तमा आफुले सो सामान लिएर आएको पासवानले बताए ।
पक्राउ परेका पासवानलाई थप अनुसन्धानको लागि जिल्ला प्रहरी कार्यालय पर्सामा राखिएको प्रहरी निरिक्षक भुवनेश्वर साहले बताउनु भएको छ ।