Home / व्यापार / नयाँ ठाउमा सारे पनि व्यवस्थित हुन सकेन निजगढ हाट बजार

नयाँ ठाउमा सारे पनि व्यवस्थित हुन सकेन निजगढ हाट बजार

निजगढ हाटबजार नयाँ ठाँउमा सारे पनि अभै व्यवस्थितरूपमा सञ्चालन हुन सकेको छैन । हाटबजार व्यवस्थित गर्न ६/७ महिना पहिले निजगढ  हाटबजार व्यवस्थापन तथा सरसफाइ समिति गठन गरिएको थियो । विगत साढे तीन दशकदेखि सडकनजिकै लाग्दै आएको निजगढ हाटबजारलाई नया वर्ष २०७० वौशाख आरम्भको दिन आइतवार अन्यत्र सारिएको थियो । डेढ बिघाभन्दा बढी क्षेत्रफलमा  हाटबजार सारिए पनि आवश्यक पूर्वाधार खानेपानी, शौचालय, बिजली लगायतको व्यवस्था नहदा ग्राहक र व्यापारी  पहिलो दिनमै समस्यामा परेका थिए । साबिकको सार्वजनिक स्थानबाट  करिब ७५ मिटरभित्र सारिएपछि घरपछाडिको  शौचालयको दुर्गन्धले हाट भर्न आउने ग्राहक र व्यापारीहरूले निकै दुःख पाएका छन् । नयाँ हाटबजार स्थल निजगढ–७ गुम्बाटोलमा वर्षाको पानी जम्ने सम्भावनासमेत अधिक छ र अहिले बर्षामा सो समस्या खेपि राखेका छन पनि। केही महिनाअघि हाट भर्न आउने ग्राहक, व्यापारीलाई लक्षित गरी जमुनापैनीनजिकै निर्माण गरिएको शौचालय हाटबजार अन्यत्र सारिएपछि बेवारिसे बन्न पुगेको छ । गाउ“ विकास समिति निजगढको करिब डेढ लाख रुपैयाँको लागतमा निर्माण गरिएको उक्त शौचालय सडक क्षेत्रभित्र पर्छ । बजार व्यवस्थापन समितिले निजी जग्गा १० वर्षको लागि भाडामा लिएइ हाटबजार व्यवस्थित पार्ने कार्यमा अग्रसर भएपनि सो हाटबजारले दिगो रूप लिन नसक्ने एकथरी सचेत स्थानीयहरू बताउछन् ।  हाटबजारलाई सार्वजनिक जग्गामा सारिएको भए निरन्तरता दिन सकिन्थ्यो । सो नयाँ हाट बजारको उदधाटन काङ्ग्रेका नेता शोभाकर पराजुली र सुरेश खनालले गरेका थिए । पहिलेको भन्दा ब्यापार धेरै कम भएको हाट बजारका च्प्पल जुत्ता ब्यापरी प्रबिण श्रेष्ठले निजगढ डटकमलाई बताए ।

Biraj paints Nijgadh 9855021190

About Nijgadh.com