Home / स्थानिय समाचार / बाराको वन क्षेत्र साघुरिदै, वन क्षेत्र अतिक्रमण बढ्दै

बाराको वन क्षेत्र साघुरिदै, वन क्षेत्र अतिक्रमण बढ्दै

वन क्षेत्रको जमीन किनबेच गर्ने गिरोह सक्रिय, राज्य मौन

ratanpur damberpur nijgadh bara nepal

जीतलाल श्रेष्ठ

निजगढ, १७ फागुुन ।

‘रोग लाग्नु भन्दा रोग लाग्न नदिनु बेस । यदी लागी हाल्यो भने, पनि बेलैमा उपचार थालि हाल्नु जाती’ भन्ने उखानले अहिले सम्म बाराको वनलाई छोएको छैन् । यहा विघौं विघा वन क्षेत्र अतिक्रमण गरिएको वर्षौ भयो । अहिले सम्म वन क्षेत्र फर्काउन राज्यको ध्यान गएको छैन् ।

बाराको साविक गाविस रतनपुरी हाल निजगढ नगरपालिका १३ डमरपुरमा वनको जमीन बिक्री गर्ने गिरोह सक्रिय छन् ।

चुरे फेदस्थित जिल्ला वन कार्यालय बाराको राष््िटय वन क्षेत्रको यो विघौं विघा वन क्षेत्र माओवादी द्धन्दकाल ताका हरियो रुख काट्दै अतिक्रमण गरिएको थियो । जुन डमरपुर र भक्तलाल बिचमा पर्छ । यहा वन क्षेत्रको जमीन कब्जा जमाउदै किनबेच गर्ने गिरोह वर्षौदेखि सक्रिय रहदै आएपनि सम्बन्धित निकाय जिल्ला वन कार्यालय बारा र मातहतका निकाय बेखवर बन्दै आई रहेका छन् ।

अझै् उस्तै परे वन कर्मचारीहरु नैं ति गिरोहसंग मिल्ने गरेको बुझिएको छ । माओवादी द्धन्द्ध कालमा गाउँलेहरुले जंगल फडानी गरी वस्ती वसाल्दै खेती गर्न थालेपछि यहाको राष्ट्रिय वन क्षेत्र अतिक्रमण भएको हो । द्धन्द्धकालमा वन कर्मचारी, वन गस्ती टोली गाउँ र जंगल पस्न नसकेपछि अतिक्रमणले बढोत्तरी पाएको थियो ।

तर् अहिले शान्तिकाल आएको एक दशक बित्नै लागेपनि वन क्षेत्रको अतिक्रमित जमीन वनमा नैं फर्काउन जिल्ला वन कार्यालय बारा, जिल्ला सुरक्षा समिति, जिल्ला प्रहरी प्रशासन, र वन मन्त्रालय अहिले सम्म लागेका छैनन् ।

जसका कारण यसरी वर्षौदेखि वन क्षेत्र हड्प्दै बस्ती बाक्लिदै र किनबेच भई रहेको छ । यहाका केही हर्ताकर्ता भन्नेहरुले नैं वनको जग्गा हड्प्ने अनि किनबेच गर्ने गरेका छन् ।

रतनपुरी गाविस हालको निजगढ नगरपालिकाको भक्तलाल र डमरपुरमा मात्र करिव ५० विघा भन्दा बढी जंगल अतिक्रमण गरि निर्वाध घर टहरा वनाई खेती गरि रहेका छन् । यहा वन क्षेत्र अतिक्रमण गरिएका जग्गा प्रति कठ्ठा २ लाखदेखि १० लाख सम्म खुल्लम खुल्ला बिक्री भई रहेको छ ।

त्यस्तै वन क्षेत्रको जमीन साविक गाविस भरतगंजसिगौल हाल निजगढ नगरपालिकामा पर्ने वन क्षेत्रको जमीन पनि अतिक्रमण गरि बिक्री गरि रहेका छन् । अतिक्रमण वन क्षेत्रको जमीनमा वर्षौ यतादेखि खेतीवाली तथा घर टहरा वनाउदै आई रहेका छन् ।

त्यस्तै जिल्लाको पर्सौना बोधवन, रामनगर, काटगाउ हरैया लगायतमा गरि बारामा करिब ७ सय हेक्टर भन्दा बढी वर्षौदेखि अतिक्रमणकारीले कब्जा गर्दै आई रहेका छन् । ति जग्गा मध्ये केही हेक्टर पुन वनले फिर्ता लिएको भन्दै वृक्षारोपण गर्ने गरेका छन् । अतिक्रमण गर्नेहरुले जंगल फडानी गर्दा निस्किएको काठ द्धारा घर टहरा वनाउने र वाकी रहेको काठहरु तस्करहरुलाई वेच्ने र आगो लगाई नष्ट गर्ने गरेका थिए ।

अतिक्रमित वन क्षेत्र अब, पनि वन क्षेत्रमा नैं नर्फकाउने हो भने, बाराको वन एकदेशको कथा बन्न न सक्ला भन्न सकिन्न । राज्य र नियमनकारी निकायले बेलैमा उचित कदम चाल्नु पर्ने देखिन्छ ।

Biraj paints Nijgadh 9855021190

About Nijgadh.com