निजगढ विमानस्थलको गुरुयोजना तयार पार्न परामर्शदाता नियुक्त गर्ने तयारी

0
136

काठमाडौं – सरकारले निजगढ अन्तर्राष्ट्रिय विमानस्थल निर्माणका लागि गुरु योजना तयार पार्न परामर्शदाता नियुक्त गर्ने तयारी गरेको छ ।

नेपाल नागरिक उडड्यन प्राधिकरणका महानिर्देशक संजीव गौतमले निजगढ अन्तर्राष्ट्रिय विमानस्थल निर्माणका लागि गुरु योजना तयार पार्न एक महिनाभित्र परामर्शदाता नियुक्त गर्ने निर्णय गरिएको जानकारी दिनु भएको हो ।

प्राधिकरणको २० औं वार्षिकोत्सव कार्यक्रमको अवसर पारेर सोमबार काठमाडौंमा आयोजित एक कार्यक्रममा बोल्दै उहाँले निजगढ विमानस्थल क्षेत्रको रुख कटानसम्बन्धी कार्यका लागि नेपाली सेनालाई जिम्मेवारी दिने सम्झौता पनि भइसकेको बताउनुभयो ।

Advertisement in Post

महानिर्देशक गौतमले निजगढ विमानस्थलको प्रथम चरणको डिटेल डिजाइनको कामको जिम्मेवारी पनि परामर्शदातालाई नै दिने योजना पनि अघि सार्नुभयो । प्राधिकरणले निर्माणाधिन राष्ट्रिय गौरवका आयोजनाहरु गौतम बुद्ध अन्तर्राष्ट्रिय विमानस्थल र पोखरा अन्तर्राष्ट्रिय विमानस्थल तोकिएको समयभन्दा अघि नै निर्माण कार्य सम्पन्न गर्ने दाबी पनि गरेको छ ।

महानिर्देशक गौतमले चन्द्रगढी र जनकपुरमा रात्रीकालीन उडान संचालनका लागि आवश्यक तयारी भइरहेको पनि जानकारी दिनुभयो । गाउँ–गाउँमा हेलिप्याड निर्माण गर्ने सरकारको नीति कार्यान्वयनका लागि ‘हेलिप्याड निर्माण तथा संचालनसम्बन्धी कार्यविधि, २०७५’ तर्जुमा गरी कार्यान्वयनमा ल्याइएको पनि प्राधिकरणले जनाएको छ ।

नेपालमा अहिले ५० वटा विमानस्थलहरु रहेका छन । तीमध्ये ३२ वटा विमानस्थलहरुमा नियमित उडान भइरहेको पनि प्राधिकरणका महानिर्देशक गौतमले बताउनुभयो ।

 

यो पनि हेरौ ।

निजगढकै पुरानो चलचित्र