डिभोर्स लगत्तै रवि लामेछानेको विवाहको चर्चा !

0
73

सिधा कुरा जनतासँग टेलिभिजन कार्यक्रम सञ्चालन गरेर जनमानसमा प्रिय बनेका सेलिब्रेटी सञ्चारकर्मी रवि लामिछाने पारिवारिक सम्बन्धका कारण चर्चामा आएका छन् । रविले शुक्रबार दिउँसो पत्नीसँग सम्बन्ध बिच्छेद गरेको र पुर्व प्रेमिकाको तर्फबाट एक सन्तान आफैसँग रहेको फेसबुक स्टाटस मार्फत सार्वजनिक गरेका हुन् ।

ईशासँग सम्बन्ध विच्देछ भएको खबर रविले खुलाएसँगै उनको बिवाहको पनि चर्चा चल्न सुरु गरेको छ । चलचित्र विकास वोर्ड अध्यक्ष निकिता पौडेलसँग रविले बिहे गर्ने अनलाइन मिडियाको खबरलाई उनले खण्डन गरेका छन् । निकिता जी सँग बिहे भन्ने कुरा हल्ला हो रबिले भनेका छन् । यद्पी निकिता आफ्नो राम्रो साथी रहेको उनको भनाई छ ।

यस्तो छ रवि लामेछानेको स्टाटस :

Advertisement in Post

श्रीमान, म जीउँदै छु…
नचाहदा नचाहदैपनि आफ्नो ब्यक्तीगत कुरा गर्नु पर्यो। मलाई पाईलै पिच्छे लडाउन,देश बाटै निकाला गर्ने लगायतका प्रयास बिफल भएपछि अब मेरो निजि जिवनमा प्रवेश गर्ने प्रयास हुदै रहेछ। लामो समय सम्म बैचारिक लडाइ लड्दै अलग अलग बसेको र पछी कानुनी रुपमा नै अलग भएको मेरो बैवाहिक सम्बन्धलाई लिएर ठुलै खोजी चालिरहेको थाहा पाएपछि बाध्य भएर आफ्नो नितान्त निजि जीवनबारे लेख्न बाध्य भएको छु । मेरी पुर्व पत्नीलाई प्रयोग गरि मेरो वास्तविक रुप अर्कै हो भन्ने प्रमाणीत गर्न दिन रात लाग्नु हुने साथीहरुलाई मैले पहिला पनि भनेकै थिए कि टाईम खर्च गर्नै पर्दैन, सिधै मलाई सोध्नुहोस, मै बताईदिन्छु सबै कुरा । मलाई खोक्रो आदर्श र झुठो जिन्दगी बाच्नु छैन र म त्यति आदर्शवान मानिसपनि होइन । मैले करिब २४ वर्ष अगाडि सानै उमेरमा बिवाह गरेको थिए र हालसालै मेरो सम्बन्ध विच्छेदपनि भैसकेको छ । तर वर्षौ सम्म मतभेद, अलग बसाइ र बोलचाल समेत नभएपछि राजी खुशीले आफ्ना सबै अधिकार लिएर मसंग सम्बन्ध विच्छेद गरेकी पुर्व पत्नीले आफू म बाट अन्यायमा परेको र मेरो कर्तुत सार्वजनिक गर्नु पर्यो भनेर केही पत्रकारलाई सम्झिछ्न । लगभग २४ वर्ष अघि भएको विवाहमा आएका अनेकौं घुम्तीलाई बजारमा लिलाम गर्ने उनको मनशाय आफ्नै मगजको उपज हो वा कसैबाट प्रयोजित हो त्यो म जन्दिन तर कसै कसैले ‘रविको कर्तुत’ वा ‘रविको असलीरुप’ जस्ता शीर्षक ‘रेडि टु पब्लिस’ अवस्थामा राखेको थाहा पाएकोले उहाँहरु सबैको काम सजिलो पार्दै म आफै आफ्ना कर्तुतहरु कबुल गर्दैछु ।

अमेरिका मै छदा म परिवार भन्दा अलग बस्ने गर्थे । सम्बन्ध सुधार गर्ने मेरो बारम्बारको प्रयास असफल भएपछि म एक विदेशी प्रेमिका संगपनि बसेको थिए । ६,७ वर्ष पुरानो यो घटनाको कारण उजागर गरेर म मेरा सन्तानको प्रतिष्ठामा ठेस पुर्याउन चाहन्न । मलाई त व्यक्तिगत विषयमा एक शब्दपनि बोल्न मन थिएन । र सम्भावत यो मेरो जिवनको पहिलो र अन्तिम स्तरहिन टिप्पणी वा क्तबतगक हुनेछ । हेडलाईन नै हेरेर धारणा बनाउनेहरुले मलाई एक मिनेटमा नै ठुलै अपराधी बनाउनेछन् । मान्छे दुनियाँसंग लड्न सक्छ तर आफन्तसंग सक्दैन । अमेरिका मै रहदा अलग बसेका हामी बिगत १० वर्ष देखि नै अलग छौ । कारण र घट्ना एउटा होइन अनेक छ्न । जति छ्न ती अत्यन्तै लाज मर्दा छन् । ती विदेशी मुलकी पुर्व प्रेमिका र मेरो बिचमा एक सन्तानपनि छ । यति कुरा थाहा पाएर बाहिर ल्याउन न्वारन देखिको बल लाउनै पर्दैन । तर उनको र मेरो बाटो अलग भएको धेरै वर्ष भैसक्यो । हाम्रो सम्बब्ध लामो समय टिकेन । सबैको भाग्यमा माया र परिवार सुख लेखिएको हुदैन रहेछ । दुनियाँको घर मिलाउने मैले आफ्नो घर मिलाउने प्रयासमा के के मात्रै गरिन होला र । तर उनले हेर्दा मैले र मैले हेर्दा उनले बारम्बार आफ्नो त्यही गल्तीलाई निरन्तरता दियौ जुन गल्तीले सारा घटनाहरु घटे र हाम्रो बिवाह भएको वर्षहरु त बढे तर सम्बन्ध कहिलेपनि अघि बढेन । ज्यादै अप्रिय बिगतलाई टुंगोमा पुर्याउने अन्तिम उपाय कानुनी उपचार नै हो र हामिले वर्षौको अशान्ति र असन्तोषलाई सहमति मै टुंगोमा पुर्यायौ, परिवारका सदस्यको उपस्थितिमा, कानुन व्यवसायीहरुको मद्दतमा, उनले भनेका हरेक शर्तहरुको पुरै पालना गरेर । ईजलासमा प्रस्तुत सम्बन्ध विच्छेदको मिलापत्र हेर्दै न्यायाधीश श्रीमानले सोध्नुभयो, सबै कुरा आफ्नी श्रीमतीलाई दिनु भएछ, सन्तानको जिम्मापनि आफैले लिनु भएछ, अमेरिकामा उहाँहरु बस्ने घर र उहाँहरुको खर्चपनि तपाईं कै जिम्मामा लगाईएछ । अब तपाईंसंग के बाकी छ त ? मैले जवाफ दिएको थिए, श्रीमान म जीउँदै छु । कुनै पत्रकारलाई म्यासेज मार्फत मेरी पुर्व पत्नीले मलाई परिवारलाई रुवाएर भागेर नेपाल गएको भनेर लेखिएको र मेरो वास्तविक रुप देखीए जस्तो नभएको भनी लेखेर पठाएको थाहा पाए । बिहानै देखि केही पत्रकारहरुको फोन आउन शुरु भएको छ । उनको म्यासेज कुनैपनि समयमा सार्वजनिक हुने क्रममा छ । जिवनमा भएका घटनाहरु मात्र बताएर अतीतका कथा कहाँ पूरा हुन्छ्न र । अनेकौ घटना बिच २४ वर्ष बितेका हुन जसलाई खोतल्दा सन्तानको मानसिकतामा असर गर्दछ । पछिल्ला वर्षहरुमा पुर्व पत्नीसंग बोल चाल समेत नभएको अवस्थामा मैले एक्लै बस्ने वा उठेर फेरि हिड्ने भन्ने निर्णय गर्नु नै थियो । बाहिरको वाह वाही तर घर भित्रको एक्लोपनले म कयौ पटक बिरामी परे र झण्डै डिप्रेशनको शिकार नै भएको थिए । माया र विश्वास वर्षौ सम्म मरेको सम्बन्धलाई सहमतिमा र अदालतबाटै टुंगो लगाएर गए पछि उनलाई मैले छल गरेको कसरी लागेछ, म बुझ्न सकिरहेको छैन । अब मसंग बाकी रहेको थोरै नाम र इज्जत छ । त्यसमा पनि आँखा लागेछ । त्यसैले,आज त्यो पनि दिन चाहन्छु । मेरो ‘नकाब’ उतार्न र आफ्ना कर्तुतहरु सार्वजनिक गरि मलाई सिध्याउन लागि पर्ने मित्रहरूलाई र पुर्व पत्नीलाई म आफै खुलेर सहयोग गर्न चाहन्छु । मन परेको हेडलाईन हालेर स्वाद अनुसारको मसला मोलेर पस्क्नुहोला । यति मै मेरा कर्तुतहरु सकिदैनन, बाकी सुन्न रिपोर्टर खटाउनै पर्दैन मै खुलासा गरिदिउला । दुर्गममा परिवारको बिचल्ली पारेर मानिस युरोप अमेरिका भागेका छन्, मैले आफ्नी पुर्व पत्नी सहित, आफ्ना सन्तानलाई अमेरिका जस्तो देशमा (उनीहरु नेपाल आउन नमानेपछी) आफू नेपाल बसेर,सम्पुर्ण आफ्नो जायजेथा सुम्पेर,अझै अमेरिका बस्दाको पुरै व्यवस्थापन यतिबेला सम्मपनि गर्दै आएको छु । अदालतमा न्यायाधीशका सामुन्ने राजी खुशीले, मसंग भएको र सायद भविष्यमा समेत हुन सक्ने सबै लिएर आफ्ना वकिल र उनका आफ्ना परिवारका सदस्यको रहोबरमा सम्बन्ध विच्छेद गरेर अमेरिका गएकी उनलाई के अन्याय भो मैले बुझिन।अब म वर्षौको एक्लो जीवन र असफल सम्बन्धहरुबाट पाठ सिक्दै अघि बड्न चाहन्छु । कसैमाथी अन्याय नगरी म आफू माथीपनि न्याय गर्न चाहन्छु । म भागेको छैन, प्रत्येक मंगलबार बिहिवार र शनिबार राति ८ः४५ मा न्युज २४ टेलिभिजनमा प्रत्यक्ष आउछु । भोलि रातिपनि आउदैछु । सदाझै उहीँ जोश, उहीँ उमंगका साथ । श्रीमान, म जीउँदै छु ।