पछिल्लो केहि दिन देखि तराई–मधेश क्षेत्रमा बढ्दै गएको अत्याधिक गर्मीलाई मध्यनजर गर्दै बिरगंजका विद्यालय ३ दिनका लागि बन्द गरिएको छ ।
बिरगंज महानगरपालिकाको शैक्षिक विकास महाशाखाले आज एउटा सूचना जारी गर्दै भोली बुधवार देखि शुक्रवार सम्म महानगरका सम्पूर्ण विद्यालय बन्द रहँने जनाएको हो । असार २९ गते देखि ३१ गते सम्म महानगर भित्र सञ्चालित सम्पूर्ण सामुदायिक र संस्थागत विद्यालय रहँने महानगरपालिकाले जारी गरेको सूचनामा उल्लेख गरिएको छ । अत्याधिक गर्मीको कारणले बालबालिकाहरुमा पर्ने जाने प्रतिकुलतालाई मध्य नजर गर्दै विद्यालय बन्द गरिएको शैक्षिक प्रशासन महाशाखाका प्रमुख अरविन्द लाल कर्णले जनाउँनु भएको छ ।
बिरगंजमा केहि दिन देखि बढेको अत्यधिक गर्मीले दिउँसो बाहिर हिँडन समेत हम्मेहम्मे परेको छ । भने बजारमा किनमेल गर्नेको चाँप समेत कम भएको छ । आकाशमा बादल देखा परे पनि पानी पर्न सकेको छैन ।
