निजगढ नगरपालिका १२ नम्बर वडा कार्यालयले वडाका ज्येष्ठ नागरिक तथा अपाङगता भएकाहरुलाई थर्मस तथा न्यानो सिरक र ब्ल्यांकेट वितरण गरेको छ ।

कार्यालयले पूर्ण अपाङ्गता भएका ३ जना र ८१ वर्ष उमेर कटेका ३८ जना वडाबासीहरुलाई थर्मस तथा ७५ वर्ष कटेका ३७ जनालाई सिरक तथा ब्ल्यांकेट वितरण गरेको हो । आज बिहान ११ बजे देखि २ बजेसम्म कार्यालय भवनमा एक कार्यक्रमका बिच उक्त सामग्री वितरण गरिएको वडा अध्यक्ष ज्ञानबहादुर गोलेले जानकारी दिनुभयो ।

रामथलीस्थित वडा कार्यालय भवनमा एक कार्यक्रमका विच वडा नं. १२ का वडा अध्यक्ष ज्ञान बहादुर गोले, वडा सदस्य चन्द्र मान तमाङ, शम्फु थोकर, वडा सदस्य सुकु माया रुम्बा र बुद्धिमाया विश्वकर्मा, वडा सचिव अरुणकुमार बस्नेतले वितरण गरेका हुन् ।