नेपाल उत्पीडित जातीय मुक्ति समाजको निजगढको दोस्रो नगर सम्मेलनले सन्तबहादुर सुनारको अध्यक्षतामा १८ सदस्यीय कमिटी सर्वसम्मत चयन गरेको छ ।

हिजो  शनिबार भएको सम्मेलनले कमिटीको उपाध्यक्षमा मानबहादुर परियार, सचिवमा ध्रुब विक, सहसचिवमा शोभा परियार, कोषाध्यक्ष ओमबहादुर विकलाई चयन गरेको छ । त्यसैगरी सदस्यहरुमा सावित्री दर्जी, चनिमाया विक, सुभद्रा विक, विश्वनाथ विक सर्मिला विक, चनकुमारी नेपाली, ज्ञानबहादुर विक, कृष्णबहादुर विक, दिलबहादुर विक, सुनिता विक, कमला विक, रामकुमारी नेपाली र बालुली विश्वकर्मा चुनिएका हुन ।

मुक्ति समाज नेपालका केन्द्रिय सचिव सुन्दर विश्वकर्माको प्रमुख आतिथ्यतामा भएको सो सम्मेलनमा निजगढ नगरपालिकाका नगर प्रमुख सुरथ पुरी, जिल्ला समन्वय समिति बाराकी उपप्रमुख चण्डिका उप्रेती, निजगढ नगर उपप्रमुख सोममाया थिङ, नेकपा एमाले मधेस प्रदेश कमिटीकी सदस्य अञ्जु नेपाली, अम्बिका चौलागाई, लिला लामिछानेलगायतको उपस्थिति रहेको थियो । कार्यक्रम निजगढ नगरपालिका वडा नं ७को सभाहलमा भएको थियो ।