सहकारी दिवसको अवसरमा निजगढ ७ स्थित लोकप्रिय बचत तथा ऋण सहकारी सस्थाले निजगढ ६ को गौरीशंकर माध्यमिक विद्यालय सडकटोललाई हिजो साउण्ड सिष्टम सहयोग गरेको छ ।

विद्यालयमा भएको एक कार्यक्रममा सहकारी संस्था संचालक समितिका अध्यक्ष अम्बिका चौलागाई, व्यवस्थापक रोशन तिमल्सिना लगायतले विद्यालय व्यवस्थापन समितिका अध्यक्ष थानेश्वर सापकोटा र प्रधानाध्यापक यादवकुमार तिमल्सिनालाई सो साउण्ड सिस्टम विद्यालयमै पुगेर हस्तान्तरण गर्नुभएको थियो ।

सहकारीले विद्यालयमा पिटी लगायतको क्रियाकलापमा उपयोग गर्न सो साउण्ड सिस्टम सहयोग गरेको सहकारी संस्थाका अध्यक्ष चौलागाईले जानकारी दिनुभयो । विद्यालयलाई साउण्ड सिस्टम उपलब्ध गराएपछि अध्यक्ष थानेश्वर सापकोटाले लोकप्रिय साकोसलाई धन्यवाद समेत दिनुभयो ।