निजगढ नगरपालिकामा आज शनिवार दिनभर विद्युत अबरुद्ध हुनेभएको छ । शनिवार बिहान ९ बजेबाट ९ घण्टासम्म विद्युत अवरुद्ध हुने  छ । नेपाल विद्युत प्रधिकरण वितरण उपशाखा निजगढले शुक्रबार सूचना सार्वजनिक गर्दै विद्युत अवरुद्ध हुने जानकारी दिएको हो ।

रौतहटको चन्द्रपुरदेखि निजगढसम्मको ३३ केभि प्रशारण लाइनमा झाडी सफाइको काम गरिने र सोको लागि बिहान ९ बजेदेखि साँझ ६ बजेसम्म विधुत अवरुद्ध हुने विद्युत प्रधिकरण वितरण उपशाखा निजगढका प्रमुख नरेन्द्र मण्डलले जानकारी दिनुभयो । प्रमुख मण्डलले हस्ताक्षर गरेको सूचनामा झाडी सफाइको काम तोकिएको समय अगावै पुरा भएमा साझ ६ बजेअघि नै लाइन सूचारु गरिने पनि जनाइएको छ । त्यसैगरी आज सिम्रौनगढ नगरपालिका क्षेत्रमा पनि ९ घण्टा विद्युत अवरुद्ध हुने भएको छ ।

नेपाल विद्युत प्राधिकरण सिम्रौनगढ उपवितरण केन्द्रले हिजो सूचना निकालेर विद्युत आपूर्ति बन्द हुने जनाएको हो । पछिल्लो समय सिम्रौनगढमा पनि निजगढबाट नै विद्युत लगिएको र निजगढमा बन्द भएपछि सो क्षेत्रमा पनि विजुली आपूर्ति अवरुद्ध हुने गरेको छ