वडा नम्बर १० कार्यालयले अतिरिक्त समयमा सेवा प्रवाह शुरु गरेको छ ।
कार्यलयले एक सुचना जारी गर्दै सो सेवा प्रवाह गर्न लागेको बताएको छ । विजयी दशमी तथा शुभ दिपावलीमा सेवाग्राहीहरुको चाप बढ्न सक्ने सम्भावनालाई ध्यानमा राखेर वडा कार्यालयले १०-५ बजे बाहेकको समयमा पनि सेवा प्रवाह शुरु गरेको हो । कार्यालय यही असोज १० गतेदेखि विहान ७ बजेदेखि ९ः३० बजेसम्म सेवा सुचारु गर्दै आएको वडा अध्यक्ष आशाकाजी श्रेष्ठले जानकारी दिनुभयो ।
उहाँले चाडबाड र सेवाग्रहीको चापलाई मध्यनजर गर्दै आगामी १७ गतेसम्म अतिरिक्त समयको सेवा जारी राखिने बताउनुभयो ।
